Notice: wpdb::prepare estis vokita malĝuste. La peto ne enhavas la ĝustan nombron da lokokupiloj (2) por la liverita nombro da argumentoj (3). Bonvolu vidi Erarserĉadon en WordPress por informoj. (Tiu mesaĝo estis aldonita en versio 4.8.3.) in /var/www/html/tejo.org/wp-includes/functions.php on line 4139
Eksteraj rilatoj - spertiĝanto - parto 4 - Aktivula Akademio de TEJO

Eksteraj rilatoj – spertiĝanto – parto 4

UN

UN estas tre grava partnero de TEJO kaj UEA, ekzemple pro la kunlaboro kun UN esperantistoj povis partopreni Rio+20. Legu la Vikipedian artikolon pri UN.

Kiel esperantistoj reprezentas Esperanton en UN? Kiuj estas iliaj spertoj?

Legu la prezenton de Mirejo (Mireille Grosjean) pri UN en Ĝenevo.

Aldone, dum la evento de Rio+20 Rafael Henrique Zerbetto kaj Alvaro Motta kreis ĉiutagajn sonraportojn pri ilia sperto. Aŭskulti la raportojn ne nur helpas vin pli bone kompreni pri la evoluo de Rio+20 sed ankaŭ donas al vi la ŝancon iom pli proksime kompreni pri la mondo de reprezentado. Jen la ligiloj al la raportoj:

Interesa informo kolektita dum Forumo Junulara-Eŭropa: “mainstreaming something in UN means forgetting it” (no budget, everybody has to do it, but no-one is doing it well) (citaĵo de la vicprezidanto de FoJE, Lloyd Russel-Moyle).

Bonvolu legi la raporton de Rafael Henrique Zerbetto pri la Tutmonda Junulara Forumo en Srilanko.

Nepras memori, ke la emblemo de UN estas intelekta posedaĵo de UN kies uzo estas strikte limigita.  Principe nur UN mem rajtas uzi ĝin. La regulojn pri uzo de la emblemo vi povas trovi (en la angla lingvo) ĉe tiu ĉi paĝo. Tiu ĉi regulo ne aplikiĝas al aliaj emblemoj, logotipoj, ktp., disvastigitaj de la Fako pri Publika Informado – ekzemple tiuj kiuj rilatas al la Celoj por Daŭripova Evoluigo. Vidu tiujn ĉi gvidliniojn. (Teksto redaktita de la atentiga mesaĝo de Humphrey Tonkin.)

Tasko 4

Elektu unu el la subaj taskoj!

  1. Enketu pri ĉu ekzistas en via lando UN-komisiono, kaj skribu al gro.ojetnull@rektr klarigante la kialojn kial vi decidis iel kunlabori kun ili aŭ kial ne (la tuta teksto ne estu pli longa ol 3600 literoj aŭ unu paĝo, sed estu almenaŭ 1000 literlonga, aŭ trionpaĝlonga).
  2. Verku tekston por la projekto de Unesko “Reto pri Kulturo de Pacnovaĵoj” (CPNN). Oficiala retejo kaj priskribo pri la agadoj haveblas ĉi tie.

Antaŭa parto – Enhavtabelo – Sekva parto

Foto: Jozef Baláž

Print Friendly, PDF & Email