Notice: wpdb::prepare estis vokita malĝuste. La peto ne enhavas la ĝustan nombron da lokokupiloj (2) por la liverita nombro da argumentoj (3). Bonvolu vidi Erarserĉadon en WordPress por informoj. (Tiu mesaĝo estis aldonita en versio 4.8.3.) in /var/www/html/tejo.org/wp-includes/functions.php on line 4139
Novaj komitatanoj - parto 5 - Aktivula Akademio de TEJO

Novaj komitatanoj – parto 5

Taskoj de la Komitato 2

7. decidas pri eksigo de patronoj

  • patronoj de TEJO estas personoj kiuj emas ankaŭ finance subteni TEJO-n: http://tejo.org/eo/patrono – bonvolu varbi la eblon al viaj konatuloj, al viaj eksmembroj, kiuj pro aĝo ne plu apartenas al via organizo
  • eblas ilin eksigi, kiam la Komitato taksas tion taŭga

8. decidas pri reglamentoj

  • la reglamento de TEJO troveblas ĉi-tie: http://tejo.org/eo/reglamentoj
  • ĝin povas ŝanĝi la Komitato, por tion fari bezonatas ke:
    • Estu prezentita propono al la ĝenerala sekretario por entagordigo en la kunsido aŭ estu malfermita diskuto en la komitata listo.
    • Eventuale la komitato decidas starigi laborgrupon
    • La ĝenerala sekretario malfermas la voĉdonadon kaj la ŝanĝoj estas aprobitaj se la plejmulto aprobas.

9. decidas pri aliaj aferoj ne rezervitaj al aliaj organoj aŭ instancoj

  • Estas rezervitaj al aliaj organoj aŭ instancoj:
    • La amendo de la regularo de TEJO (la komitato de TEJO nur rajtas proponi amendojn)
    • La eksigo de individuaj membroj
    • Transigi sumojn inter la rezervo IJK kaj la junulara fondaĵo
    • Decidi elspezon pli alta ol miloblon de la MJ-kotizo valida por Nederlando aŭ 2 trionojn de la tuta sumo de la monrimedoj de TEJO
    • Krome estas la estraraj fakoj pri kiuj tamen la komitato rajtas interveni.

10. La Komitato ankaŭ povas decidi pri ĉiuj aferoj, pri kiuj kompetentas la Estraro aŭ unuopa estrarano; komitata decido tiam nuligas kontraŭan estraran aŭ estraranan decidon.

  • ekzemple pri
    • elekto de volontulo de TEJO
    • elekto de IJK-ejo
    • starigo de komisionoj

Kaj nun venu viaj tujaj taskoj (elektu inter la 1-a kaj la 2-a; kaj la 3-an bonvolu fari):

  1. Tralegu la regularon (http://tejo.org/eo/regularo) kaj trovu 3 pliajn aferojn kiuj ne estas menciitaj en punkto 9 kaj estas rezervitaj al aliaj organoj aŭ instancoj, kaj sendu ĝin al gro.ojetnull@onatatimokavontr
  2. Donu 3 pliajn ekzemplojn pri kiuj kompetentas la Estraro aŭ unuopa estrarano, kaj sendu ĝin al gro.ojetnull@onatatimokavontr
  3. Deviga tasko: Kiom da tagoj antaŭ la kunsido vi devas sciigi la ĝeneralan sekretarion, se vi volas ke via propono estu entagordigita? Sendu vian respondon al gro.ojetnull@onatatimokavontr

Antaŭa parto – Enhavtabelo – Sekva parto

Foto: Reta fotaro de Pola Esperanto-Junularo

Print Friendly, PDF & Email